Cümə axşamı, 01 Oktyabr 2020 06:47

Caspian Energy Club sahibkarları tarixi missiyanı yerinə yetirərək işğal olunmuş ərazilərimizi düşməndən azad edən Azərbaycan Ordusuna yardımda fəal iştirak etməyə səsləyib.

 “Azərbaycan Ordusuna və cəbhəyani bölgələrdə yaşayan dinc əhaliyə təşkilati, maliyyə və informasiya yardımı göstərmək bizim hər birimizin borcudur”.

 Bu barədə Caspian Energy Club-un Sədri və baş icraçı direktoru Telman Əliyev məlumat verib.

 “Sıralarında Xəzər-Qara dəniz və Baltik regionu sahibkarlarını birləşdirən ən nəhəng və dinamik təşkilat olan Caspian Energy Club bütün Azərbaycan şirkətlərinin top-menecerlərindən Azərbaycan Ordusuna dəstəkdə fəal iştirak etməyi xahiş edib. Bu gün ən mühüm məqsədlərdən biri Azərbaycan-Ermənistan arasındakı Qarabağ münaqişəsi barədə doğru-düzgün məlumatları çatdırmaqdır. Bununla əlaqədar olaraq, Caspian Energy Club-un dünyanın 50 ölkəsindəki  hər bir şirkət əməkdaşı baş verənlərdən xəbərdar olmalı və yalnız Azərbaycan Respublikasının Müdafiə Nazirliyinin rəsmi saytında dərc olunan məlumatlara inanmalıdır.  

 Eyni zamanda Azərbaycanın ərazi bütövlüyü və suverenliyi uğrunda həlak olmuş şəhid ailələrinə maliyyə yardımı davam etdirilməlidir”, - deyə Telman Əliyev bildirib.

Biz birlikdə güclüyük! Qələbə bizim olacaq! Qarabağ – Azərbaycandır!

Telman Əliyevin sözlərinə görə, sıralarında dünyanın 50 ölkəsindən 5 000  artıq şirkət və təşkilatı birləşdirən Caspian Energy Club 2002-ci ilin iyununda yaradılıb. “Biznes-hökumət” dialoqunun fəal iştirakçısı olan Caspian Energy Club-un əsas məqsədi Azərbaycanda və Caspian Energy Club-un fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialqoların stimullaşdırılmasından və onlarda fəal iştirak etməkdən ibarətdir.

Biznes-netvorkinq üçün beynəlxalq platforma olan Caspian Energy Club mütəmadi olaraq müxtəlif tədbirlər təşkil edir. Caspian Energy Club-un mənzil-qərargahı Bakı şəhərində yerləşir. Caspian Energy Club-un Gürcüstan və Qazaxıstanda rəsmi nümayəndəlikləri, həmçinin dünyanın müxtəlif ölkələrində səlahiyyətli nümayəndələri var.